بياناتك ملكك، ومحمية
حسابات شركتك وعملاءك ومرتبات موظفينك أهم حاجة عندك. ده بالظبط اللي بنعمله عشان نحميها - من غير كلام عام.
اتصال مشفّر
كل الاتصال بالبرنامج عن طريق HTTPS، وكلمات السر متخزنة متشفرة (bcrypt) ومحدش يقدر يقراها ولا إحنا.
دخول بخطوتين
تقدر تفعّل كود من تطبيق على الموبايل مع كلمة السر، وتشوف الأجهزة اللي داخلة على حسابك وتقفلها.
صلاحيات تفصيلية
كل موظف بيشوف ويعمل اللي محتاجه بس: الكاشير مايشوفش الأرباح، والمندوب مايشوفش غير خط سيره. والقيود دي على السيرفر نفسه مش مجرد إخفاء.
سجل تعديلات
أي تعديل أو حذف بيتسجل: مين عمله وإمتى وكان إيه قبله. والفترات المالية بتتقفل عشان محدش يعدّل في أرقام اتقفلت.
نسخ احتياطي يومي
نسخة كاملة كل يوم وبتتحفظ خارج السيرفر، وتقدر تنزّل نسخة من بياناتك أو تصدّرها Excel في أي وقت.
على سيرفرك لو حبيت
لو مش عايز بياناتك على سحابة، البرنامج بيتركّب على سيرفر عندك بترخيص دائم. وكل شركة بياناتها معزولة تمامًا عن غيرها.
بياناتك ملكك
مش بنبيع ولا بنشارك بيانات عملائنا مع أي حد، ولما تحب تمشي بتاخد بياناتك كلها Excel. التفاصيل في سياسة الخصوصية. سياسة الخصوصية
أسئلة شائعة
البيانات متخزنة فين؟
في الاشتراك السحابي على سيرفرات مؤمّنة مع نسخ احتياطي يومي خارجها. ولو اخترت الترخيص الدائم، على السيرفر بتاعك.
حد من EA Tech يقدر يشوف بياناتي؟
مش بندخل على بيانات أي عميل إلا بطلبه عشان الدعم الفني، وبنتفق معاك على ده قبلها.
لو حصلت مشكلة في السيرفر؟
بنرجّع آخر نسخة احتياطية، ولو ترخيص دائم عندك بنساعدك تعمل نفس الحاجة على سيرفرك.
عندك أسئلة أمان تانية؟
كلّمنا وهنجاوبك بالتفصيل، أو هنعمل ديمو لفريق الـ IT عندك.